An Leon, An Bandraoi agus An Prios Éadaigh

ealaíona, nuacht, Nuacht24
An Leon, An Bandraoi agus An Prios Éadaigh
 
 
 
Leon Machnaimh
 
Bhí slua breá i láthair nuair a sheol an tOllamh Michael Cronin An Leon, an
Bandraoi agus an Prios Éadaigh i nGairdín an Gheimhridh, Amharclann Scabhat
Smock, Dé Sathairn, 15 Samhain 2014. Aistriúchán Gaeilge atá ann ar shaothar
cáiliúil C.S. Lewis The Lion, the Witch and the Wardrobe
 
Is é an scríbhneoir aitheanta Antain Mac Lochlainn a rinne an leagan Gaeilge
agus is cinnte go suífidh an saothar tábhachtach seo taobh leis na
móraistriúcháin eile a d’fhoilsigh an Gúm in imeacht na mblianta.
 
In alt dó ar an Irish Times le déanaí, luaigh an t-aistritheoir féin roinnt
de na dúshláin a bhain le Gaeilge a chur i mbéal an Leoin:
 
Rinne mé mo dhícheall a bheith dílis d’fhear mo chúige ach bhí deacrachtaí
le sárú gan dul a dhath níos faide ná an teideal. “Cailleach” an focal
Gaeilge is coitianta ar “witch” ach ní “cailleach” í an t-asarlaí mná sa
scéal seo. Smaoinigh ar Tilda Swinton, a raibh an ról seo aici i leagan
Hollywood den scéal, agus ní bheidh tú i bhfad ón cheart: “a beautiful
face... but proud and cold and stern.” “An Bandraoi Bán” a thug mise uirthi,
leagan a thugann slán an uaim san ainm “the White Witch”. Sin mar a bhíonn
san obair seo – caillteanas anseo, cúiteamh ansiúd.
 
Is ríléir ar an aistriúchán eisceachtúil seo gurbh fhiú ar fad a cháiréis
agus a chúram. Ag labhairt dó ag an seoladh, mhol an tOllamh Michael Cronin
samhlaíocht an aistritheora go háirithe, mar aon le stíl bhríomhar an
leabhair. 
 
Tá An Leon, an Bandraoi agus an Prios Éadaigh ar díol sna siopaí anois. Leon
machnaimh, go deimhin!
 
 
An Gúm, 27 Sráid Fhreidric Thuaidh, Baile Átha Cliath 1
01-8892800; angum@forasnagaeilge.ie
 

An Leon, An Bandraoi agus An Prios Éadaigh

240 lch,   €8.50
9781857918885

Comments are closed.

Dearthóirí an tSuímh Idirlín Seo: Oin Interactive

2017-03-23 08:13:54

Admin/login Comments RSS

ILBF