18 duine gafa i dTír na mBascach

idirnáisiúnta, nuacht, Nuacht24

Tá náisiúnaithe i dTír na mBascach ag éileamh go saorófaí ochtar ball déag den ghrúpa Herrira, grúpa a gníomhaíonn ar son cimí pholaitiúla Bascacha. Tá sos cogaidh ETA i bhfeidhm go hoifigiúil ó 2011 (thosaigh sé tamall roimhe sin i bhfírinne) agus feictear na ruathair seo mar iarracht ag rialtas na Spáinne chun teannas a chothú i measc lucht tacaíochta ETA. Tá sé curtha in iúl ag na húdaráis sa Spáinn go gcuirfear i leith iad siúd a gabhadh go bhfuil siad ag cuidiú le haidhmeanna grúpa armtha, ETA, agus roinnt cúiseanna eile den tsórt seo. Bhí aisfhreagra láidir ó náisiúnaithe agus ón eite chlé i dTír na mBascach nó dar leo nach bhfuil sa ghabháil seo ach iarracht ag rialtas na Spáinne chun cur i gcoinne fás cumhacht pholaitiúil agus vóta Bildu agus comhghuaillaíochtaí pholaitiúla eile a chuireann ar son neamhspleáchais agus atá ag láidriú ó chuir ETA deireadh lena bhfeachtas. Bhí ruathair ann fud Thír na mBascach inné agus rinneadh cuardach ar oifigí Herrira in Bilbo, in Vitoria-Gasteiz, in Iruñea-Pamplona aghus in Hernani.

Comments are closed.

Dearthóirí an tSuímh Idirlín Seo: Oin Interactive

2017-07-22 15:42:05

Admin/login Comments RSS

ILBF