Wow! Bua sa chúirt do Coimisinéir Teanga na Breataine Bige

náisiúnta, nuacht, Nuacht24

I mbreithiúnas a tugadh san Ard Chúirt I gCaerdydd inniu riailigh an Giúistís Hickinbottom agus an Breitheamh Milwyn Jarman go raibh cinneadh an  National Savings and Investments chun a scéim Breatnaise a chur ar ceal mídhleathach. Thug Coimisinéir Teanga na Breataine Bige an cás I láthair na hArd Chúirte chun athbhreithniú dlíthiúil a bheith ann I ndiaidh don National Savings and Investments a scéim theanga a aisghairm I mí Aibreáin 2013. Ba é seo an chéad athbhreithniú dlíthiúil a bhain le cás na Breatnaise agus is é an chéad uair ar éisteadh a macasamhail I mBreatnais.

Riailaíodh gur ghníomhaigh an áisínteacht infheistíochta go mídhleathach lena chinneadh chun a scéim theanga a aisghairm. Riailaíodh go bhfuil an scéim sin a bheith I bfheidhm go foil.

Arsa an Coimisinéir Teanga don Bhreatnais, Meri Huws,
 ’Ba léisc linn dul i mbun athbhreithniú dlithiúil ach I ndiaidh do úsáidteoirí na seirbhíse gearáin a dhéanamh bhí rún docht agam dul I mbun seo. Is é an ról atá agam, agus mé I mo Choimisinéir ná an cumhacht dlí a úsáid chun a gcearta a dhearbhú do lucht labhartha na Breatnaise. Is mór liom go raibh mé in ann sin a dhéanamh. Is cruthanas rialú an lae inniu go bhfuil mé in ann mo chumhachtaí a úsáid ar bhealach a leasa do lucht labhartha na teanga agus don teanga féin.’ Lean sí léi,
‘Tá teachtaireacht soiléir ann do ranna stáit Westminster nach dtig leo seirbhísí Breatnaise a aisghairm de réir mar a bhuaileann an fonn iad. Tá mise ag dreim leis go leanfaidh an National Savings and Investments den scéim a chur said ar ceal agus go dtosóidh siad air sin gan mhoill.’
Thug National Savings and Investments le fios go bhfuil siad chun tabhairt arís faoin scéim teanga.

 

Comments are closed.

Dearthóirí an tSuímh Idirlín Seo: Oin Interactive

2017-03-23 08:19:44

Admin/login Comments RSS

ILBF