Gairm ar iarratais do Theagascóirí Gaeilge i gCeanada

náisiúnta, nuacht, Nuacht24

Tá eolas thíos faoin ngairm ar iarratais do Theagascóirí Gaeilge 2014-15, a fógraíodh ar an 3ú Márta.

 

Cuireann Fondúireacht Ollscoil Éireann Cheanada na dámhachtainí seo ar fáil chun tacú le teagasc na Gaeilge in ollscoileanna áirithe i gCeanada, le maoiniú ón gCrannchur Náisiúnta agus ón Roinn Ealaíon, Oidhreachta agus Gaeltachta.

Is é príomhaidhm an chláir seo ná tacú le fás agus forbairt na Gaeilge i gCeanada. Cuirtear teagascóirí ar fáil chun an Ghaeilge a mhúineadh taobh  istigh den ollscoil, agus chun cuidiú le dul chun cinn na teanga i mbéal an phobail.

Is mian leis an bhFondúireacht Teagascóirí Gaeilge a cheapadh don tréimhse naoi mí, Meán Fómhair 2014 – Bealtaine 2015.

Tabharfar deis do mhúinteoirí reatha barr feabhais a chur ar a gcuid scileanna múinteoireachta agus cur lena n-eolas faoi shochaí agus faoi chultúr Cheanada ionas gur féidir leo tarraingt orthu tar éis dóibh filleadh ar Éirinn.

Tá tuilleadh eolais faoi na dámhachtainí, faoi na téarmaí agus coinníollacha, agus foirmeacha iarratais ar fáil ag www.icuf.ie/clar-gaeilge/teagascoiri.

Is é 5 i.n. Dé hAoine, 28 Márta 2014 an dáta deiridh a nglacfar le hiarratais.

Más mian leat síntiús a ghlacadh lenár nuachtlitir chun tuilleadh eolais ar scéimeanna dámhachtainí ICUF a fháil uainn amach anseo, cliceáil anseo le do thoil.

Le gach dea-ghuí,

James Kelly
Príomhoifigeach Feidhmiúcháin
www.icuf.ie
@ICUF_awards
 

 

Comments are closed.

Dearthóirí an tSuímh Idirlín Seo: Oin Interactive

2017-03-27 11:40:11

Admin/login Comments RSS

ILBF