Fáiltíonn Ní Thoirealaigh roimh chomhaontú ar bhuiséad an Fhorais

náisiúnta, nuacht, Nuacht24

Fáiltíonn Ní Thoirealaigh roimh chomhaontú ar bhuiséad an Fhorais

 

Mhol an CTR Sinn Féineach Róise Ní Thoirealaigh an tAire Cultúir ó thuaidh Carál Ní Chuilín as an chosaint a rinne sí ar bhuiséad Fhoras na Gaeilge.

 

Bhí Ní Thoirealaigh ag labhairt i ndiaidh chruinniú den Chomhairle Aireachta Thuaidh/Theas in Ard Mhacha. Aontaíodh buiséad an Fhorais ag an chruinniú.

 

Dúirt urlabhraí Shinn Féin ar chúrsaí Gaeilge:

 

“Beidh Foras na Gaeilge ábalta pleanáil don todhchaí agus obair go dearfach leis an Ghaeilge a chur chun cinn agus a fhorbairt.

 

“Tá ardmholadh tuillte ag an Aire Cultúir Carál Ní Chuilín as ucht na cosainte a rinne sí ar bhuiséad an Fhorais agus ar bhuiséad Ghníomhaireacht na hUltaise.

 

“D’éirigh léi seo a dhéanamh in ainneoin phleananna rialtas na hÉireann le ciorruithe a chur i bhfeidhm.

 

“D’oibrigh Carál Ní Chuilín lena comhghleacaí sa Roinn Ealaíon, Oidhreachta agus Gaeltachta leis na buiséid a aimsiú agus a chosaint do na fearais seo.

 

“Is fianaise é a cosaint ar na buiséid seo de thábhacht na Gaeilge agus de choimitmint Shinn Féin do chur chun cinn na teanga.”

Comments are closed.

Dearthóirí an tSuímh Idirlín Seo: Oin Interactive

2017-09-20 10:12:07

Admin/login Comments RSS

ILBF