Clár Fáisnéise ar RnaG: Atheagar ar earnáil na Gaeilge – bhfuil ag éirí leis?

náisiúnta, nuacht, Nuacht24
lár Fáisnéise: Atheagar ar earnáil na Gaeilge - bhfuil ag éirí leis?

Dé Domhnaigh 19 Deireadh Fómhair ag 1.15 pm, craolfar an clár Spiorad an
Chomhluadair ar RTÉ Raidió na Gaeltachta faoi theaghlaigh atá ag tógáil a gcuid
páistí le Gaeilge, agus an tionchar a bheidh ag an atheagar ar mhaoiniú earnáil na
Gaeilge orthu.

Is i gCorca Dhuibhne a taifeadadh an clár faisnéise seo, áit a raibh an craoltóir
Fachtna Ó Drisceoil agus a theaghlach ar shaoire Gaeltachta eagraithe ag Glór na
nGael, saoire a bhíodh á heagrú ag Comhluadar go dtí seo.

Ba iad tuismitheoirí a bhí ag tógáil clainne le Gaeilge a bhunaigh an eagraíocht
Comhluadar chun tacaíocht, eolas agus seirbhísí a chur ar fáil do theaghlaigh
Ghaelacha.  Go dtí i mbliana, bhí an eagraíocht maoinithe ag Foras na Gaeilge ach
mar chuid den atheagar a fógraíodh i mbliana, áfach, cuireadh deireadh iomlán le
maoiniú na heagraíochta, agus is faoi chúram Ghlór na nGael a bheidh a leithéid
feasta.  Ba é Saoire Gaeltachta 2014 an chéad teist den socrú nua.

Sa chlár Spiorad an Chomhluadair le Fachtna Ó Drisceoil, feicfimid conas mar a
éiríonn leis an saoire faoi stiúir fhoireann Ghlór na nGael.  An bhfreastalóidh na
teaghlaigh céanna air? An mbláthóidh obair na dteaghlach laistigh de mhór-eagraíocht
a bhfuil go leor cúramaí eile air?  Agus cén tairbhe a bhainfidh teaghlach Fhachtna
féin as an tseachtain?

Sin roinnt de na ceisteanna a fhiosraítear sa chlár Spiorad an Chomhluadair Dé
Domhnaigh 19 Deireadh Fómhair ag 1.15 pm ar RTÉ Raidió na Gaeltachta.

Comments are closed.

Dearthóirí an tSuímh Idirlín Seo: Oin Interactive

2017-08-22 04:39:40

Admin/login Comments RSS

ILBF