$('#s2').cycle({
speed: 2000,
timeout: 12000,
fx: 'scrollDown'
});
Raidió Fáilte – Baile seo agus Doire siúd - Bally this and Derry that!
Thug an stáisiún raidió ceannródaíoch Gaeilge, Raidió Fáilte, ionadaithe le chéile ó eagrais phobail in oirthear agus in iarthar chathair Bhéal Feirste le hiniúchadh a dhéanamh ar thionchar na Gaeilge ar logainmneacha áitiúla Bhéal Feirste. Is iomaí duine a bhfuil a fhios acu, gur ón Ghaeilge an tSeanchill (Old Churchyard), a thagann an t-ainm ‘The Shankill Road’ ach cé mhéid daoine a bhfuil a fhios acu cárbh as a dtagann an logainm ‘Galwally’?
Le tú féin a chur ar an eolas faoi seo, agus le roinnt mhaith fíricí suimiúla eile a fhoghlaim faoi logainmneacha Bhéal Feirste – bígí ag éisteacht le Raidió Fáilte ar an Chéadaoin 14 Nollaig 2011 ar 4.00in agus arís ar an Déardaoin 15 Nollaig ag an am chéanna.
Thug an láithreoir, Máirín Hurndall, ionadaithe le chéile ó eagrais phobail in oirthear agus in iarthar chathair Bhéal Feirste, in éineacht leis an saineolaí logainmneacha, an t-Ollamh Micheál Ó Mainnín ó Ollscoil na Banríona, le sraith de 2 chlár speisialta ar logainmneacha a léiriú. Is cainteoir líofa Gaeilge í Máirín Hurndall ó chúlrá Protastúnach.
I measc na ndaoine a bhí páirteach sa chlár bhí: Karen Purdy ó Ionad Pobail Bloomfield; an staraí áitiúil, Linda Kelly ó Bhaile an Chacamair; John Nicholson ón East Belfast Mission ar Bhóthar Bhaile Nua na hArda; agus Aisling Nic Eoin ó Ionad Uíbh Eachach, Bóthar na bhFál.
Beidh na díospóireachtaí agus an méid a fuair siad amach mar thoradh ar an tionscadal seo le nochtadh i 2 chlár speisialta a bheidh le cluinstin ar Raidió Fáilte ar 107.1fm i mórcheantar Bhéal Feirste agus ar fud an domhain ar www.raidiofailte.com – fuarthas maoiniú ón Good Relations Unit de chuid Chomhairle Cathrach Bhéal Feirste leis an tionscadal seo a chur i gcrích. (048) 9031 0013 nó forbairt@raidiofailte.com
Raidió Fáilte agus an Coiste Craoltóireachta Gaeilge
Tá Raidió Fáilte i gcomhar leis an Choiste Craoltóireachta Gaeilge - Irish Language Broadcast Fund ag reáchtáil scéim traenála i scileanna Raidió faoi láthair agus tá deiseanna ann do Ghaeilgeoirí traenáil a fháil i scileanna raidió agus bheith ag craoladh linn ar Raidió Fáilte. Tuilleadh eolais donall@raidiofailte.com
Learning Irish/Foghlaim Gaeilge
Our new Irish classes are now being broadcast on Raidió Fáilte - check the schedule for times ... maith thú!!
